انااسمى مصرى ونهرالنيل شرايينى
انا قاهرى وفى الجيزه محبينى
شرقاوى اليكساوى وطنطاوى وفى اسيوط جرايبينى
وتاريخى من الاقصرقناواسوان يحاكينى
والسد عالى عشان يشهدلآجدادى
من المنصوره للفيوم وللوادى
ومن دمياط وكفرالشيخ على عزك انا ناوى
امسح جبينك ياشبين بالمنديل محلاوى
اناقليوبى بنى سويفى وبنهاوى
وفى السويس شقيت قناتى وجنيت مانجه اسمعلاوى
فرح الفؤاد فى بورفؤاد وبقيت فى عيد
زفة عروسه من بورسعيد واخرهافى الوادى الجديد
شهرعسلهاالعمركله..وولادهايبقى الشعب كله
فلاح .. صعيدى ..وكل عربان البدوحاميين حدودى
ياشمس عودى.. هاتى الحنان
هاتى الامان اللى اندفن وياجدودى
هاتى الضياءاللى ينورالطريق
واللى يكون للعدوديماحريق
مايكنش بينااللى يعادى
مالقاش اخويا يظلم اخويايكره اخويا
ويبقى الجواب مابيناعادى
جدى وجدك اتجمعوعندالقناه حفروالقناه
والدى ووالدك اتجمعوعندالقناه عبروالقناه
ليه كل واحدمناطالع يشتم التانى فقناه
فين القلوب اللى فيوم اتجمعت دلوقت ليه اتفرقت
اخوانى سلفى ليبرالى وفدى مسلم وقبطى
اوعوتكونوغفلانين ان فطريقنا للشتات
عيزين طريقنا للشتات ؟
طب رجعوالبنت اللى ماتت ورجعو الواداللى مات
ولاخلاص بقوذكريات؟
يمكن نسيتوالورد فتح واتقطف وحرق قلوب الامهات
ياشعب ليه ضميرنا مات تلاتين سنه واحنا فسكات
ويوم ماحس انه حر بقت الحريه معناها خناقات
اللى اتحرق على انه فى الوزاره ماخدش كرسى
واللى عايزها جنازه ناروالحجه ايه ماطايقش مرسى
واللى طلع فى الدور وعاش
علشان يعمربلده اماالرئيس امابلاش
واللى يقولك ده فلول ومزيع يوقع دول فى دول
فين القلوب الصافيه فين الجدعنه
فين الطيابه اللى زمان كانت بتوصف شعبنا
فين الفرح بتاع زمان ؟
بنت الجيران وابن الجيران
اللى هناك فى حينا؟ ماهوكان لاممنا كلنا
كيس السبوع بتاع زمان
شربات نجاح ابن الجيران
فاكرين ياناس ؟؟؟
ولاخلاص مات واندفن فيناالامان
بفضل الله. مما راق لي
